رئيس مجلس الادارة : أحمد أحمد نور

نائب رئيس مجلس الادارة : وليد كساب

رئيس التحرير : محمد عبد العظيم

عاوزه تكوني أم من غير زوج ولا فستان .. يبقى تمشي ورا شريهان !!

منه صلاح

.. البعض هاجم السنجل مازر هدير مكاوي لفترة وآخرين دعموها ..  بعدما احدثت ضجة في السوشيال ميديا واختفت هدير مكاوي من السوشيال ميديا ولكن ظهرت فجأة بعدها ..  (شريهان نور الدين) من خلال صفحه انشأتها (باشتري راجل) علي الفيس بوك وقام بنشر فيديو مباشر لها وهي مظلمة الوجه حتى لا يتم التشهير بها !! وخصصت هذا الفيديو للرجال حتى يتم التواصل معاها بسهوله لكي يتم ماتريده وهي ان تكون ام بدون زواج !! وانها في الثلاثينات من عمرها وتشعر بالوحده وقالت في الفيديو .. أحلى حاجة في الدنيا الأطفال…لو أقدر كنت جبت دستة. بس انا مااتجوزتش قبل كده، ولا عايزة اتجوز. أنا ناجحة جدا في حياتي العملية، عايشة عيشة مريحة ومش محتاجة حد يسندني ماديا… بس بخاف قوي من الوحدة الحل الوحيد اللي قدامي إني أبقي أم. إبتديت أسأل على موضوع تجميد البويضات علشان أطول المدة اللي أعرف أحمل فيها. المهم، وأنا بعمل تحاليل إكتشفت إن عندي مشكلة بتخلي نسبة حملي ٤٠٪ .. وإن كل ما الوقت بيعدي، فرصتي في الخلفة بتقل.  انا قررت إني أعمل عملية تلقيح صناعي مع شخص مستعد يتبرع بحيواناته المنوية في مقابل مادي… الموضوع هيمشي رسمي.  مأذون . انبوبة .معمل . أنا بس عايزة طفل من غير لا غرام ولا إنتقام !!

وبغض النظر عن حالة هدير .. إللى خلفت فعلاً وأصبحت سينجل مازر .. فإننا اليوم أمام حالة معكوسة ومنعكسة ومعاكسة وفيها كل عكوسات الدنيا !!  دى واحدة عايزة تتحدى الدنيا وتشترى حيونات منوية من أى راجل لكى تتم عملية تلقيح صناعى وتخرج فى النهاية بطفل . من غير أب  .. بلا وجع دماغ  !! يعنى برضه حتبقى سينجل مازر  زى أختها هدير .. وهنا تلزم وقفة صغيرة  من أجل الصغار .. الأطفال  آدم هدير مكاوى   والطفل أو الطفلة الجديدة دى  .. إيه وضعهم وكيف ستكون ظروف حياتهم وصحتهم النفسية  وتعليمهم ؟!  ولهذا حديث آخر ..

 

عن عيون المجلس

شاهد أيضاً

في الذكرى 140 على ولادة بيكاسو: تعيين سيسيل دوبري رئيسة لمتحف يحمل اسمه في باريس

Eman Nour أعلنت وزارة الثقافة الفرنسية الاثنين 10/25 تعيين سيسيل دوبري رئيسة لمتحف بيكاسو في …

تعليق واحد

  1. سخافة
    مش على جراءتك في الكلام ودا جميل
    لكن عنوانه سخيف
    لكن المقال فعلاً بيعبر عن حال زبالة وصلنا له في مجتمعنا المشوه
    و سيستمر مجتمعنا في التشوه و سوف يدمر أكثر و أكثر ، و سوف نصبح قريباً كوحوش برية .

    و ارجع تاني و اقول لك المقال جميل بس عنوانه فصلني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *